Third year of dental school

سلام 

دخلنا على سنه تالت اللي يسميها البعض(عنق الزجاجه)

هي فعلا سنه دسمه جدا ،وكل شي حيكون جديد معامل ومستشفى ومواد تخصص 
غير الدوام اللي حيكون غالبا من 8 -5 
من السنه دي لازم نغير تفكيرنا عن الدراسه مسلا زمان كنا ندرس عشان نعدي أو ننقبل ،لكن الآن الوضع أختلف اللي بندرسه اليوم بكرا حنطبقه على مريض حقيقي فلازم المعلومات نفهمها وماننساها  

في الترم الأول حيكون 7 مواد والتاني 10 مواد ،معظم المواد نظامها continuous ، في أدوات كتير حنشتريها الى نهاية الترم حيكون في طلبات ، السنه دي لكل ماده تقريبا في كتاب(portfolio) عليه 30درجه جدا مهمه وتساعد في رفع درجة الماده لأنهاا غالبا بيد الطالب فشيء مهم اننا نهتم بالكتب وتسليمها في الميعاد المطلوب واكمالها زي مايطلب كل دكتور 

---------------------------------------------------------------

~الترم الأول~

 عباره عن 7 مواد (الترتيب حسب عدد الساعات الأكتر)

1- INTRO. TO DENTURES-I

عدد الساعات:6

نظري وعملي

الدينشر ماده حلوه وبسيطه في الترم الأول حتكون الدراسه والتطبيق العملي عن طقم الأسنان الكامل (Complete Denture)

أسهل بكتير من الترم التاني وفرصه لأنه ننضمن في درجة كويسه عشان الماده عليها درجات كتيره 

وحيكون في كتاب البورتفوليو مهم انه نجيبه في كل لاب 

الأدوات اللي حنحتاجها :

1-impression material

2-spatula

3-rubber bowl

4-edentulous trays

5-napkins 

وطبعا نابكين أساسا في كل لاب حنحتاجه فأشتروا منه كميه 

6-vaseline

7-wax sheets

8-wax knife 

9-acrylic and monomer

الدكتور اللي كان يعطينا الماده كان جدا محترم وشرحه ممتاز ويفهم ،فمهم انه نقدره ومانتأخر على كلاسه 

نظام الماده في الدرجات حيكون (continuous )

فيديو توضحي :

2-PRINCIPLES OF OPERATIVE DENTISTRY-I

عدد الساعات:6

نظري وعملي

الأوبريتيف هي الماده اللي حنتعلم فيها كيف نشيل التسوس طبعا الشغل حيكون جوة(داخل) الphantom head 

وممنوع تماما الشغل برا عشان بقدر الامكان نتعود ونتعلم كإننا بنشتغل على مريض حقيقي ويحاسبونا عالجلسه الصحيحه ومسكة الأدوات والماسك والقلفز والنضاره 

الماده حلوه ونوعا ما سهله وكل الأشياء اللي حتنشرح في النظري حنطبقها في اللاب على طول ودا الشي مره حيساعد حتى الأدوات حندرسها بالتفصيل في النظري لكن عشاننا حنستعملها بشكل مستمر في اللاب فحتكون سهله 

في الترم الأول حنتعلم كيف نعمل class I-II ونحشيها amalgam اللي هيا الحشوه السودا 

عاليمين أول تجربه ليا وعاليسار أخر الترم كنت جدا سعيده بالتحسن ،خصوصا اني في البدايه كنت متوتره وخايفه بس الحمدلله مع كترة التدريب والمساعده اللي بيقدموها لنا الدكاتره في اللاب من تعليقات ونصائح الكل يتحسن ان شاء الله 

في العملي بعد تقريبا كل خطوه نروح نوري الداكاتره شغلنا ويقولولنا ايش نحتاج وازا خلصنا نتقيم في البورتفوليو وكل أسبوع حيكون في أسنان مطلوب عملها وتسليمها في الوقت المحدد

الأدوات اللي حنحتاجها:

1-hand piece

الهاند بيس أكتر جهاز أشتريته وحبيته  حتشتروا اتنين،هيا مكلفه بس نصيحه لاتشتروا التقليد لأنها ممكن تنخرب في أي لحظه ولاسمح الله ممكن تنخرب وقت الاختبار،مهم اننا نهتم بيها ونزيتها بزيتها الأصلي

low speed handpiece

high speed handpiece

2-some hand instruments

3-napkins

4-eye goggles

جدا مهمه ويسألوا عنها في كل لاب وممنوع الشغل بدونها 

5-gloves

نفس الشي ممنوع الشغل بدونه

6-mask

نفس الشي ممنوع الشغل بدونه

7-nissin dentoform

نيسن لأنه الأفضل 

8-nissin dentoform teeth كتييير منها

9-burs

غالبا حنحتاج(straight - round - inverted) ويغضل يكون حجمها صغير

10-dappen dish

 والأدوات الباقيه ممكن تكون من ماركة zeffiro أو medesy وعن نفسي أفضل medesy وأعرف محل في جده يبيعها وسعرها خاص بالطلاب 

دي الأدوات حقت الدكتور رصلنا هيا وغالبا هيا اللي حنحتاجها الين نتخرج 

دا كاتالوج ماركة (medesy):

دا هوا الفانتوم المخصص بعمل الاوبريتيف لازم الكل يكون مسؤول عن محله ونضافته وسلامة الفانتوم هيد لأنه ممكن ينقطع 

في جهاز ممكن تشتروه اسمه micromotor يشغل الـ(low speed handpiece) فقط ،تقتدروا تتدربوا بيه في البيت 

الكتاب :

art and science of operative dentistry

3-GENERAL PATHOLOGY-I

عدد الساعات:4

نظري وعملي

الباثولوجي هي مادة علم الأمراض الترم الأول حتكون عامه و مبادئ ،الماده شويه دسمه وتحتاج فهم عميق ،العملي حيكون في كتاب البورتيفوليو ولازم دايما يكون كامل وغالبا ناخد رسمه جديده كل لاب ونرسمها ونصححها ويسألوا أسئله عن الدرس، الرسمه تكون بألوان خاصه (hematoxylin and eosin)

كلاس اللاب كنا نقعد كل واحد قدامه شاشه ويعرضوا لنا case ويشرحوها ونناقشها ونرسم الرسمه للمرض histologically 

الكتاب:

Robbins basic pathology

نظام الماده في الدرجات حيكون (continuous )

4-PHYSICS OF DIAGNOSTIC RADIOLOGY-I

عدد الساعات:3

نظري وعملي

الأشعه أو الراديولوجي في تخصص الأسنان جدا مهمه لأنها تساهم في الكشف عن المرض 

حناخد فيها كل شي (تاريخ الأشعه ،كيفية عملها ،أخطارها ،أنواعها،زاويه كل سن ...)

العملي حنتعلم كيف ناخد الأشعه لكل سن ونعمله (processing) اللي هوا تحميض الفيلم ونتقيم عليه ونحطه في البورتيفوليو 

الأدوات اللي حنحتاجها:

1-films

الأفلام تجي مجموعه في علبه فالأفضل مجموعه يشتركوا فيها

2-hanger

 الهانقر الأفضل كل واحده عندها اتنين عشان وقت التحميض لوعندها فلمين تخلص بسرعه 

3-gloves

4-mask

دا هو الفانتوم اللي حنشتغل عليه في الراديولوجي نثبت الفيلم جوا الفم بالأصباع ولازم ننتبه لاينكسر الأصباع يعني بشويش نثبت

الكتاب:

oral radiology principles and interpretation

نظام الماده في الدرجات حيكون (continuous )

5-ORAL BIOLOGY-I

عدد الساعات:3

نظري وعملي

البايولوجي أكتر ماده كنت ماأحبها تعتمد على الحفظ وشويه فهم ،تتكلم عن السن ومكوناته ومكونات ال (oral cavity)عموما 

والعملي حيكون كل لاب نرسم رسمه ونتقيم عليها ويسألوا عن الكلاس الفائت

مثال لرسمة كتاب العملي:

الكتاب: 

ESSENTIALS OF ORAL HISTOLOGY AND EMBRYOLOGY

نظام الماده في الدرجات حيكون (continuous )

6-LOCAL ANESTHESIA & EXODONTIA-I

عدد الساعات:2

لايوجد عملي

مادة التخدير جدا جدا مهمه في مجالنا حنتعلم فيها كيف نخدر كل منطقه في الفم وأنوع المواد المخدره ومشاكلها

الكتاب:

Handbook of Local Anesthesia

نظام الماده في الدرجات حيكون (continuous )

7-ORAL DIAGNOSIS-I

عدد الساعات:2

نظري وعملي

وأخيرا الدايقنوسيس ماده برضه مهمه حتكون بس في الترم الأول حنتعلم فيها عن كيف نشخص المريض وكيف نعبي الـ( chart)

والـ(infection control) اللي هوا تنضيف العياده بعد كل مريض ودا شي مره مهم يحد من انتقال الأمراض وله قواعد معينه 

أي مريض يجي عيادة الأسنان لازم ناخد منه بيانات معينه كلها حنتعلمها في دي الماده 

دي العيادات اللي حنتدرب فيها بالنسبه لسنه تالت فكل بنتين يشتركوا في عياده اللي في الأساس حقت سنه رابع فلازم انهم ينتبهوا مايسيبوها مقربعه لأنها مسؤوليتهم 

والأدوات اللي حنحتاجها هنا نفسها اللي بنستعملها في مادة الأوبريتيف (مرايه - بروب ) ولازم تحطوها في التعقيم بعد كل استعمال

هنا لازم تدوروا على مرضى عشان تكشفوا عليهم وتتعلموا كيف تاخدوا منهم البيانات 

وحيكون في كتاب البورتفوليو هوا اللي حنعبي فيه مهم انه نجيبه في كل كلاس عملي في العياده

---------------------------------------------------

~الترم التاني~

الترم التاني ضغط ودسم ومواد أكتر ،لكن نكون خلاص تقريبا أتعودنا على الوضع حتزيد علينا 3 مواد (مايكرو-فارما-اورال باثولوجي)

عباره عن 10 مواد (الترتيب حسب عدد الساعات الأكتر)

1- INTRO. TO DENTURES-I

عدد الساعات:6

نظري وعملي

الترم التاني في الدينشر أصعب شويه من الأول حنتعلم عن (RPD) 

removable partial denture

الأدوات اللي حنحتاجها :

1-hanau articulator

الأرتيكيوليتر هو جهاز جدا مهم وغالي  في حدود 2500،حنستفيد منه حتى في السنين الجيه ،حيساعدنا نرص الأسنان 

2-dentulous tray

3-artificial teeth

4-torch

5-spatula

نهاية الترم حنكون سوينا طقم أسنان 

حيكون في كتاب البورتفوليو نفسه حق الترم الأول لازم يكون كامل ومرتب ويتسلم في الوقت المطلوب

الكتاب:

Stewart's Clinical Removable Partial Prosthodontics

2-PRINCIPLES OF OPERATIVE DENTISTRY-I

عدد الساعات:6

نظري وعملي

الترم التاني حنتعلم calss III, IV, V وحنحشي بالماده التجميله (composite)

الأدوات اللي حنحتاجها:

1-CompoRoller

2-HAWE STOPSTRIP

3- HAWE FINISHING AND POLISHING STRIPS

IDENTOFLEX GOLD / AMALGAM / PRECIOUS METAL ALLOYS-4

 5-matrix band

6-matrix band retainer or tofflemire

7-wedges

حيكون في كتاب البورتفوليو نفسه حق الترم الأول لازم يكون كامل ومرتب ويتسلم في الوقت المطلوب

3-GENERAL PATHOLOGY-I

عدد الساعات:4

نظري وعملي

حيكون في كتاب البورتفوليو نفسه حق الترم الأول لازم يكون كامل ومرتب ويتسلم في الوقت المطلوب

4-PHYSICS OF DIAGNOSTIC RADIOLOGY-I

عدد الساعات:3

نظري وعملي

الأدوات اللي حنحتاجها:

1-endo ray

حيكون في كتاب البورتفوليو نفسه حق الترم الأول لازم يكون كامل ومرتب ويتسلم في الوقت المطلوب

الترم دا في العملي حنطبق الأشعه على مرضى حقيقين ،وحيكون علينا اننا ندور على مرضى ،اللي يجو المستشفى غالبا ناس غلابه وكبار في السن وجيين عشان عنهم موعد فإحنا كسنه تالت لو أخدناهم عشان نعملهم أشعه حنأخرهم عن موعدهم وحيعملوا شي هما ماراح يستفيدوا منه يعني الأشعه دي شي خاص بينا احنا كطلبه لأننا بس بنتدرب ،فمن الأفضل اننا نعاملهم بلطف وبعد مانخلص من الأشعه نوديهم لموعدهم ونساعدهم 

5-ORAL BIOLOGY-I

عدد الساعات:3

نظري وعملي

العملي دا الترم ماراح يكون في لاب بس حنقعد في الكلاس ونختبر كويز صغير

حيكون في كتاب البورتفوليو نفسه حق الترم الأول لازم يكون كامل ومرتب ويتسلم في الوقت المطلوب

مجرد حنعمل assignment ونتقيم عليها بدون مانرسم زي الترم الأول

6-GEN MICROBIOL AND IMMUNOLOGY

عدد الساعات:3

نظري وعملي

المايكرو أعطتنا هوا دكتوره مره كويسه وتفهم ،ماده يحتاج لها تركيز وفهم وحفظ

أما العملي فبسيط جدا حنسوي bacterial culture

وحيكون في كتاب البورتفوليو لازم يكون كامل ومرتب ويتسلم في الوقت المطلوب

 الكتاب:

essential microbiology for dentistry

7-DENTAL PHARMACOLOGY-I

عدد الساعات:2

الفارما ماده دسمه كنت مستصعبتها في البدايه تحتاج حفظ كتير !

حندرس الأدويه عموما وبعدين حتكون في شباتر خاصة بالأسنان 

8-ORAL PATHOLOGY-I

عدد الساعات:2

نظري وعملي

الاورال باثولوجي ماده جدا مهمه الدكتور كان يقلنا الشاطر في الماده دي هو اللي حيسير دكتور مميز 

فعلا لأنها تعتمد على الربط يعني ممكن في العياده يجي مريض.. الدكتور الشاطر هوا اللي حيشخص الحاله صح

الماده تتكلم عن الأمراض اللي ممكن تكون في ال(oral cavity) والعملي حيكون شكلها تحت المجهر 

نفس الأورال بايولوجي حيكون في كتاب ورسمات نرسمها كل أسبوع ونسمعها

الكتاب:

regezi oral pathology

9-LOCAL ANESTHESIA & EXODONTIA-I

عدد الساعات:2

لايوجد عملي

تكمله للي أخدنا الترم الأول لكن حندخل في العميق ،كيف نخلع كل سن والأدوات الخاصه بالخلع مهم جدا اننا نعرفها كلها 

حيكون في اختبار عملي على الأدوات نهاية الترم

10-preventive dentistry 

عدد الساعات:1

لايوجد عملي

ماده السهل الممتنع ،المنهج كتيير ومليان معلومات مهمه ،يتكلم عن تنضيف الأسنان وأنواع الفرش والتكنيكات المستخدمه في تنضيف الأسنان ...

لازم تتزاكر أول بأول عشان تسير خفيفه 

الكتاب:

primary preventive dentistry by harris norman

---------------------------------------------------------------

وبكدا نكون خلصنا سنه تالت 
نصيحه متعلقه بالأدوات لاتشتروا أي شي الا بعد ماتاخدوا الكلام الأكيد من الدكاتره